ఆర్మీ చాపర్ నుంచి హెలికాప్టర్ జారి పడిపోయిన ఘటనకు సంబంధించిన వీడియోలు ప్రస్తుతం సోషల్ మీడియాలో తెగ వైరల్ అవుతున్నాయి. ల్యాండింగ్ సమయంలో సాంకేతిక లోపంతో దెబ్బతిన్న హెలికాప్టర్ను అక్కడి నుంచి మరో చోటుకు తరలించేందుకు భారత సైన్యం రంగంలోకి దిగింది. ఆ దెబ్బతిన్న హెలికాప్టర్ను ఆర్మీ చాపర్కు తీగల సహాయంతో కట్టి తీసుకువస్తుండగా ఈ ఘటన చోటు చేసుకుంది. ఆర్మీ చాపర్కు కట్టిన తీగలు ఒక్కసారిగా తెగిపోవడంతో కింద ఉన్న హెలికాప్టర్ పట్టుకోల్పోయి.. పడిపోయింది. ఆ హెలికాప్టర్ కొండల్లో పడిపోతున్న దృశ్యాలను దూరంగా ఉన్న కొందరు వీడియో తీసి సోషల్ మీడియాలో పెట్టడంతో అవి ఇప్పుడు తెగ చక్కర్లు కొడుతున్నాయి.
ఈ సంఘటన ఉత్తరాఖండ్లోని కేదార్నాథ్లో చోటు చేసుకుంది. ఉత్తరాఖండ్లో గత కొన్ని రోజులుగా భారీ వర్షాలు బీభత్సం సృష్టిస్తున్నాయి. ఈ నేపథ్యంలోనే ప్రతికూల వాతావరణం కారణంగా కేదార్నాథ్ యాత్రను కూడా ఇప్పటికే అధికారులు నిలిపివేశారు. ఈ క్రమంలోనే యాత్రికులు కేదార్నాథ్ వెళ్లేందుకు హెలికాప్టర్ సేవలు కూడా ప్రారంభించారు. అయితే కొన్ని రోజుల క్రితం ఈ యాత్రికులను తరలించే క్రెస్టల్ హెలికాప్టర్.. కేదార్నాథ్లో భక్తులను దించి.. తిరిగి వెళ్తుండగా.. సాంకేతిక లోపంతో కూలిపోయింది. దీంతో అది కాస్తా దెబ్బతిన్నది.
