నీట్ యూజీ 2025 కొత్త సిలబస్ వచ్చేసింది.. సబ్జెక్టుల వారీగా పూర్తి వివరాలివే..
2025-26 విద్యా సంవత్సరానికి సంబంధించి మెడికల్ యూజీ కోర్సుల్లో ప్రవేశాలకు నిర్వహించనున్న నీట్ యూజీ 2025 పరీక్స సిలబస్ నేషనల్ మెడికల్ కమిషన్ (ఎన్ఎంసీ) విడుదల చేసింది. ఫిజిక్స్, కెమిస్ట్రీ, బోటనీ, జువాలజీ సబ్జెక్టుల వారీగా అంశాలను పొందుపరిచారు. ఈ పరీక్షకు హాజరయ్యే అభ్యర్ధులు ఈ కింది డైరెక్ట్ లింక్ ద్వారా
దేశవ్యాప్తంగా ఉన్న పలు మెడికల్ కాలేజీల్లో 2025-26 విద్యా సంవత్సరానికి సంబంధించి బ్యాచిలర్ డిగ్రీ వైద్య విద్య కోర్సుల్లో ప్రవేశాలకు నిర్వహించే జాతీయ ప్రవేశ పరీక్ష- అండర్ గ్రాడ్యుయేట్ (నీట్ యూజీ) సిలబస్ 2025ను నేషనల్ మెడికల్ కమిషన్ (ఎన్ఎంసీ) విడుదల చేసింది. ఫిజిక్స్, కెమిస్ట్రీ, బోటనీ, జువాలజీ సబ్జెక్టుల్లోని అంశాలను యూనిట్ల వారీగా నీట్ యూజీ-2025 నూతన సిలబస్లో పొందుపరిచారు. ఈ పరీక్ష వచ్చే ఏడాది మే నెలలో జరిగే అవకాశమున్నట్లు తెలుస్తుంది. ఇందుకు సంబంధించి అధికారిక ప్రకటన విడుదల కావాల్సి ఉంది. విద్యార్థులు సిలబస్కు సంబంధించిన పూర్తి వివరాలను వెబ్సైట్లో చెక్ చేసుకోవచ్చు. లేదంటే ఈ కింది లింక్ ద్వారా డైరెక్ట్గా డౌన్లోడ్ చేసుకోవచ్చు.
మరోమైపు నీట్- యూజీ పరీక్ష విధానంపై త్వరలో నిర్ణయం తీసుకుంటామని కేంద్ర విద్యా మంత్రి ధర్మేంద్ర ప్రధాన్ తెలిపారు. ఈసారి పరీక్ష ఆఫ్లైన్లో పెట్టాలా లేదంటే ఆన్ లైన్ విధానంలోనే కొనసాగించాలా అనే దానిపై ఆరోగ్య మంత్రిత్వ శాఖ చర్చిస్తోంది. కాగా గత నీట్ యూజీ 2024 పరీక్షలో ప్రశ్నాపత్రాల లీకేజీలు దేశ వ్యాప్తంగా పెను సంచలనం సృష్టించిన సంగతి తెలిసిందే.
