Red News Navyandhra First Digital News Portal
జులై నెల ముగిసి ఆగస్టులోకి అడుగుపెట్టాం. క్యాలెండర్ నెల మారితే కొన్ని ఆర్థిక పరమైన అంశాలకు సంబంధించి కొత్త రూల్స్ అమలులోకి వస్తుంటాయి. ఈ సారి వాణిజ్య సిలిండర్ ధరలను స్వల్పంగా పెంచింది కేంద్రం. అలాగే విండ్ ఫాల్ ట్యాక్స్ తగ్గించింది. అయితే తరుచుగా ఆర్థిక లావాదేవీలు నిర్వహించే వారు బ్యాంకులకు వెళ్లాల్సి వస్తుంది. అలాంటి వారు కచ్చితంగా బ్యాంకుల సెలవుల గురించి తెలుసుకోవాలి. లేదంటే తీరా సమయానికి బ్యాంక్ లేకపోతే ఇబ్బందులు పడాల్సి వస్తుంది. ఈ ఆగస్టు నెలలో మొత్తంగా బ్యాంకులకు 13 రోజుల పాటు సెలవులు ఉన్నాయి. అలాగే ఈ సెలవుల్లో రెండో శనివారం, నాలుగో శనివారంతో పాటు ఆదివారాలూ ఉంటాయి.
తెలుగు రాష్ట్రాల్లో 8 రోజుల పాటు బంద్
ఆగస్టు నెలలో ఆంధ్రప్రదేశ్, తెలంగాణ రాష్ట్రాలలో బ్యాంకులు 8 రోజుల పాటు మూసి ఉండనున్నాయి. ఈ సెలవులను దృష్టిలో ఉంచుకుని బ్యాంక్ పనులను ప్లాన్ చేసుకోవడం మంచిది. రిజర్వ్ బ్యాంక్ ఇండియా వెబ్‌సై ట్‌లో ఈ ఏడాది ప్రారంభంలోనే బ్యాంక్ సెలవుల జాబితాను అప్డేట్ చేసింది. సాధారణ సెలవులు, జాతీయ పండగలు, ప్రాంతీయ పండగలకు, ఇతర రోజుల్లో సెలవులు ఉన్నాయి. హైదరాబాద్ సర్కిల్‌లో సెలవుల జాబితా ఇప్పుడు తెలుసుకుందాం.
- ఆగస్టు 4వ తేదీన ఆదివారం కావడంతో బ్యాంకులకు సాధారణ సెలవు ఉంటుంది.
- ఆగస్టు 10వ తేదీన రెండో శనివారం సందర్భంగా బ్యాంకులు మూసి ఉంటాయి.
- ఆగస్టు 11వ తేదీన ఆదివారం సందర్భంగా బ్యాంకులకు సాధారణ సెలవు ఉంటుంది.
- ఆగస్టు 15వ తేదీన స్వాతంత్య్ర దినోత్సవం సందర్భంగా బ్యాంకులు మూసి ఉంటాయి.
- ఆగస్టు 18వ తేదీన ఆదివారం సందర్భంగా బ్యాంకులకు సాధారణ సెలవు ఉంటుంది.
- ఆగస్టు 19వ తేదీ రోజున రక్షా బంధన సందర్భంగా బ్యాంకులకు సెలవు ఉంటుంది.
- ఆగస్టు 24వ తేదీన నాలుగో శనివారం సందర్భంగా బ్యాంకులు మూసే ఉంటాయి.
- ఆగస్టు 25వ తేదీన ఆదివారం సందర్బంగా బ్యాంకులకు సాధారణ సెలవు.
ఇక దేశంలోని ఇతర రాష్ట్రాల విషయానికి వస్తే సాధారణ సెలవులతో పాటు ఆగస్టు 3వ తేదీన కేర్ పూజా సందర్భంగా త్రిపురలో బ్యాంకులకు సెలవు ఉంటుంది. ఆగస్టు 8వ తేదీన టెన్డాంగ్‌లో రమ్ ఫ్యాట్ సందర్భంగా మిజోరాంలో సెలవు ఉంటుంది. ఆగస్టు 13వ తేదీన పాట్రియాట్ డే సందర్భంగా ఇంఫాల్‌లో బ్యాంకులు మూసి ఉంటాయి. ఆగస్టు 20వ తేదీన శ్రీ నారాయణ గురు జయంతి సందర్భంగా కేరళలో బ్యాంకులకు సెలవు ఉంటుంది. ఆగస్టు 26వ తేదీన జన్మాష్టమి సందర్భంగా చాలా రాష్ట్రాల్లో బ్యాంకలకు సెలవు ఉంటుంది.
