RC Renewal : ఆన్‌లైన్‌లో సులభంగా మీ వెహికల్‌ RC రెన్యువల్‌ చేసుకోవచ్చు.. ప్రాసెస్‌ ఇదే

Online Process for RC Renewal : సాధారణంగా వాహనం రిజిస్ట్రేషన్‌ సర్టిఫికేషన్‌ (RC) గడువు 15 సంవత్సరాలపాటు ఉంటుంది. కేంద్ర మోటార్‌ వెహికల్‌ చట్టం నిబంధనల ప్రకారం ప్రైవేటు వాహనాల రిజిస్ట్రేషన్‌ గడువు 15 సంవత్సరాల వరకు ఉంటుంది. అనంతరం ప్రతి 5 సంవత్సరాలకు ఒకసారి రెన్యువల్‌ చేసుకోవాలి. న్యాయపరమైన చిక్కులు రాకుండా ఉండేందుకు ముగింపు తేదీకి ముందే రెన్యువల్ చేసుకోవడం ఉత్తమం. ఇందుకు ఆన్‌లైన్‌ ద్వారా సులభంగా దరఖాస్తు చేసుకోవచ్చు. అదెలాగో చూద్దాం..

RC రెన్యువల్‌కి అవసరమైన డాక్యుమెంట్స్:

ఆర్సీ రెన్యువల్ ప్రకియలో కొన్ని డాక్యుమెంట్స్ చాలా కీలకం. ఫారం 25 దరఖాస్తు ఫామ్‌, పొల్యూషన్ కంట్రోల్ సర్టిఫికెట్, ఆర్సీ బుక్, ఫిట్‌నెస్ సర్టిఫికెట్, రిజిస్ట్రేషన్ సర్టిఫికెట్, రోడ్ టాక్స్ చెల్లించిన డాక్యుమెంట్స్, ఇన్సూరెన్స్ సర్టిఫికెట్, పాన్ కార్డు, ఛాసిస్, ఇంజిన్ పెన్సిల్ పాయింట్, యజమాని సంతకం వంటి డాక్యుమెంట్లు అవసరమవుతాయి.

అయితే.. వాహన రిజిస్ట్రేషన్‌ సర్టిఫికేషన్‌ ముగిసే 60 రోజుల ముందుగానే ఫారమ్‌ 25ను సంబంధిత అధికారులకు సమర్పించాలి. దీంతోపాటు రెన్యువల్‌ కోసం దరఖాస్తు చేసుకొనే సమయానికి వాహనానికి సంబంధించిన ట్యాక్స్‌లను చెల్లించాలి. దీంతోపాటు రెన్యువల్‌ ఫీజును కూడా చెల్లించాల్సి ఉంటుంది.

ఆన్‌లైన్‌లో RC రెన్యువల్‌ ప్రాసెస్‌ :

• మొదట https://parivahan.gov.in/ వెబ్‌సైట్‌ సందర్శించండి.
• మెను నుండి “ఆన్‌లైన్ సేవలు” క్లిక్ చేసి.. “వాహన సంబంధిత సేవలు” ఎంచుకోండి.
• మీ రాష్ట్రాన్ని ఎంచుకోండి. పశ్చిమ బెంగాల్ వంటి ఆన్‌లైన్‌లో మీ వాహనం కోసం రిజిస్ట్రేషన్ పునరుద్ధరణ కోసం దరఖాస్తు చేసుకోవడానికి అన్ని రాష్ట్రాలు మిమ్మల్ని అనుమతించవు.
• మీ సమీప RTOను ఎంచుకుని.. “ప్రొసీడ్”పై క్లిక్ చేయండి.
• “సేవలు” యొక్క డ్రాప్-డౌన్ జాబితా నుండి “RC సంబంధిత సేవలను ఎంచుకోండి.
• “రిజిస్ట్రేషన్ రెన్యువల్‌”ని ఎంచుకోండి.
• మీ వాహనం రిజిస్ట్రేషన్ నంబర్, ఛాసిస్ నంబర్‌ను ఎంటర్‌ చేయండి.
• దరఖాస్తు ప్రక్రియను పూర్తి చేయడానికి “వివరాలను ధృవీకరించు” ఆప్షన్‌ క్లిక్ చేయండి.

ఆర్సీ రెన్యువల్ ఆఫ్‌లైన్‌ ప్రాసెస్ :

• వాహన యజమాని వాహన ఆర్సీ రెన్యువల్ చేయాల్సిందిగా ఆర్టీఓ కార్యాలయంలో దరఖాస్తు చేయాలి. దీనికి గాను ఫారం 25ను నింపాలి. అయితే.. వాహన గడువు ముగిసిన నాటి నుంచి 60 రోజుల్లోగా ఈ ప్రక్రియ పూర్తి చేయాల్సి ఉంటుంది.
• ఆర్సీ రెన్యువల్ కోసం దరఖాస్తు చేసిన తర్వాత, మీకు అపాయింట్‌మెంట్ ఇస్తారు.
• అపాయింట్మెంట్ ఇచ్చిన రోజు మీ వాహనాన్ని RTO కార్యాలయంలో సమర్పించాలి. RTO అధికారి మీ వాహనాన్ని తనిఖీ చేస్తారు.
• మీ వాహనంలో ఎలాంటి సమస్యలు లేనట్లయితే.. ఆర్టీఓ ఇన్ స్పెక్టర్ సంతకం చేసి రెన్యువల్ చేయడానికి ఆమోద ముద్ర వేస్తారు.
• మీ వాహన ఆర్సీ రెన్యువల్ పూర్తయిన తర్వాత సంబంధిత ఛార్జీలు, పన్నులు చెల్లించాలి.
• రెన్యువల్ ఛార్జీలతో పాటు ఇతర ఫీజులు కూడా ఉంటాయి.. గమనించండి.