మద్యం తాగితేనే ఆ సమస్య వస్తుందనుకుంటే పొరబడినట్లే.. ఈ 5 విషయాలు కూడా మిమ్మల్ని ముంచేస్తాయ్..

ఫ్యాటీ లివర్ చాలా ప్రమాదకరమైన వ్యాధి. మద్యం తాగడం వల్ల లివర్ ఫ్యాటీ అవుతుందని చాలా మంది అనుకుంటారు. ఫ్యాటీ లివర్ ఆల్కహాల్ వల్ల మాత్రమే కాదు ఈ 5 విషయాల వల్ల కూడా వస్తుందని వైద్య నిపుణులు హెచ్చరిస్తున్నారు. ఫ్యాటీ లివర్ గురించి వైద్యులు ఏం చెబుతున్నారు..? కారణాలు తదితర విషయాలను తెలుసుకోండి..

ఫ్యాటీ లివర్ చాలా ప్రమాదకరమైన వ్యాధి.. కొవ్వు కాలేయం క్రమంగా మొత్తం శరీరాన్ని దెబ్బతీస్తుంది. సకాలంలో చికిత్స అందకపోతే, రోగి ప్రాణాలు పోయే అవకాశం కూడా ఉంది. అయితే ఫ్యాటీలివర్ ను రెండుగా విభజిస్తారు. ఫ్యాటీ లివర్ సమస్యను ఆల్కహాలిక్, నాన్ ఆల్కహాలిక్ గా పేర్కొంటారు. మద్యం తాగేవారిలో ఆల్కహాలిక్ ఫ్యాటీలివర్ సమస్య వస్తుంది. మద్యం తాగని వారిలో కనిపించేది సమస్యను నాన్ ఆల్కహాలిక్ ఫ్యాటీ లివర్‌గా పేర్కొంటారు. ఏదీ ఏమైనా ఫ్యాటీ లివర్ సమస్యను తీవ్రంగా పరిగణిస్తారు.. అయితే.. లివర్ సమస్యల్లో ఆల్కహాల్ ఫ్యాటీ లివర్ ఎక్కువగా ఉంటుంది. అయితే.. కొవ్వు కాలేయం ఏర్పడటానికి అనేక కారణాలు ఉండవచ్చు. కొవ్వు కాలేయ సమస్యకు కారణమయ్యే విషయాలు ఏమిటి..? నిపుణులు ఏం చెబుతున్నారు..? ఈ కథనంలో పూర్తి వివరాలను తెలుసుకోండి..

కొవ్వు కాలేయం కారణాలు..

కొవ్వు కాలేయం ఆల్కహాల్ వల్ల మాత్రమే కాకుండా అనేక ఇతర కారణాల వల్ల కూడా వస్తుంది. అధిక బరువు, బొడ్డు కొవ్వు (బెల్లీ ఫ్యాట్) అధికంగా ఉండటం వల్ల కూడా కొవ్వు కాలేయ సమస్య వస్తుంది. అధిక రక్తపోటు కారణంగా కూడా కొవ్వు కాలేయ సమస్య రావచ్చు. డయాబెటిస్ వల్ల కూడా ఫ్యాటీ లివర్ రావచ్చు. శరీరంలో కొలెస్ట్రాల్ పెరగడం వల్ల కూడా ఫ్యాటీ లివర్ సమస్య రావచ్చు. అధిక ట్రైగ్లిజరైడ్ కారణంగా కూడా కొవ్వు కాలేయ సమస్య రావచ్చు.

ఫ్యాటీ లివర్‌లో ఎలాంటి ఆహారం తీసుకోవాలి?

ఫ్యాటీ లివర్‌ను నివారించడానికి, మీ రోజువారీ ఆహారంలో ఫైబర్ ఆహారాలను చేర్చుకోండి.

రోజూ 2 నుండి 4 లీటర్ల నీరు త్రాగాలి.

శుద్ధి చేసిన నూనె, శుద్ధి చేసిన ఆహారాలు, తీపి ఉత్పత్తులకు దూరంగా ఉండాలి.. లేదా వీలైనంత తక్కువగా తీసుకోండి.

సలాడ్, గింజలు,విత్తనాలు తినండి.

వ్యాయామం..

రోజూ వ్యాయామం చేయండి. వ్యాయామం చేయడం వల్ల శరీరంలో ఆక్సిజన్ సరఫరా పెరుగుతుంది. ఇది ఫ్యాటీ లివర్‌తో సహా అనేక వ్యాధుల నుండి శరీరాన్ని రక్షిస్తుంది. ప్రతి ఒక్కరూ రోజుకు కనీసం 30 నుంచి 60 నిమిషాల వరకు వ్యాయామం చేయాలి. 20 నిమిషాలు నడవడం వల్ల బరువు అదుపులో ఉంటుంది.ఇది కొవ్వు కాలేయ సమస్యను తగ్గిస్తుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)